Orofole t'innalzas maestosu
 de Ovodda seculare monumentu,
 has de altura metros millechentu
 da su mare a sa punt'e Concosu.

    De alvures nde ses bundanziosu,
    espostu a sole, abba, nie e bentu,
    situ ses a sos pees de Gennargentu,
    pro s'abba frisca e pura ses famosu.

 Sos furisteris pro su panorama
 tottus de tie nde contan ispantu
 de cantu s'ista bene in cust'altura.

    Ses meta de artistas d'alta fama
    chi naran: "custu logu est un'incantu,
    est'una meraviglia 'e sa natura".